Бадьёльйывсаяс - Бадьёльские

Информация о пользователе

Привет, Гость! Войдите или зарегистрируйтесь.


Вы здесь » Бадьёльйывсаяс - Бадьёльские » Бадьёльйывса войтыр. Жители Бадьёльска. » И Бадьёльйылö воас чужан лун.


Создать форум

И Бадьёльйылö воас чужан лун.

Сообщений 1 страница 4 из 4

1

Бадьёльск.

"И Бадьёльйылö воас чужан лун.

Öнiя кадö босьтчисны пасъявны кар-посёлоклысь, сикт-грездлысь чужан лунсö. Дерт, тайö лöсялантор, торйöн нин сэтчöс олысьлы.
Со и миян Бадьёльйывлысь, медводдзаысь на, тшöтш жö мöвпыштöмаöсь пасйыны тайö лунсö.
И. Жеребцовлöн "Где ты живешь?" небöг серти кö, таво Бадьёльйывлы тырö 220 во. А овлiсны-ö танi 1782-öд воöдзыс, некод оз тöд. Менам ордпу серти тай быттьö артмö, мый сиктнымлы матö 280 воысь абу этшаджык.

Но мед, ме öд абу паныд сиктлы чужан лун пасйöмысь, рад сöмын. Ыджыд аттьö мöвпыштысьяслы.
Миян Бадьёльйывлöн, кыдзи и мукöдыслöн, эмöсь жö аслыспöлöс инъяс, лöсяланаöсь либö, мöдарö, абу лöсяланаöсь сиктлы.
Талун танi - 110 гöгöр овмöс, 300-ысь унджык олысь. Бадьёльйыв абу юбердса сикт. Та вöсна "кывтыд", "катыд", "вичкодор" нимъясыд миян абуöсь. На пыдди сиктса юксьöны "горувса", "чоййывса", "войвывса", "рытывывса" да "асыввывса" вылö. Сиктнымöс оз торйöд некутшöм шор ни ёль, васö босьтам юкмöсысь. Мöдарö, ыбъяс бердсянь быттьö пышйöны татысь дас гöгöр шор да ёль, "вердöны" Вöль юнымöс. А баддя горула Бадь ёльыс "козьналiс" ассьыс нимсö сиктлы.
Кöть кутшöм боксянь матыстчан сиктлань, ставыс тыдалö ки вылын моз. Шыльыд ыб-му вылын кöдзаястö пыр шондiыс "малалö". И быд ыблöн аслас ним, кодöс öнiя том йöзыд, гашкö, оз и кывлы да. Иван пиян тыла, Мöдар мыльк, Ляпкыд мыльк, Вöль лыа, Вой бок, Тит ыб, Аксян Море, Улыс ыб, Мöдлапöв керöс, Весьт ыб, Ты сён ыб, Поса шор эжа, Öртьöм пас, Уллян видлöг, Шор сай.
Олöма йöз бырöмöн бырасны и тайö нимъясыс. Асьным öд мыжаöсь, огö некодлы найöс висьтавлöй да …
Нöшта Бадьёльйывöн эм и ошйысянаторйыд. Кужлöма коркöя Семö Конöыд овмöдчан местатö бöрйыны. Тыла кералыгöн казялöма, мый танi бура воö нянь, арся пужйыс оз сибав да.
Арся пужйыд и öнi оз сибав татчö, кöть сы пуд тулысыс сёрöнджык жö воö. Помöсдiнын кö, кодi миянсянь 12 километр и эм, мый вынсьыс нин письтöны тувсов шоръяс, Бадьёльйылын – чöв-лöнь на. Быдса вежон на коляс, кор и танi сылас муыс да вöляникысь шоналас.
Но арнас, кор матiгöгöрса сиктъясысь пужйыд сьöдöдз нин "чишкалöма" картупель корсö, Бадьёльйылын вежон на лöсталö пуктасыд.
Сюрласьöны Бадьёльйылын и чудьяслöн оланiнъяс. Со Улыс ыб пöлöныс вöлi вöла ордым мунö Вöльдiнöдз, Чудь туйöн шусьылiс. Сэсся Вöльдiнас Эжва мöдлапöлас бара Чудин ты эм и.
1941 воын Бадьёльйылын олiс 640 –ысь унджык морт, кöть керка лыдыс и öнiя мында жö вöлi. Гöра-кöдза муыс сэкся "Выль Войвыв" колхозлöн артавсис 400 –ысь унджык гектар. Виддзыс – матö 700 гектар – ставыс Вöль ю бокын, 12 – 14 километр ылнаын.
Великöй Отечественнöй войнаöдз эз лёка овсьы колхозлы. Сьöмöн кöть и дзескыд вöлi, трудоденьысь юклiсны нянь. Вöрöгкöд тышö Бадьёльйылысь мунiс154 морт, бöрсö воисны сöмын 68 –öн. А талун сиктын öти войнаса участник и коли – 1926 воын чужлöм Иван Егорович Уляшев да 1927 воын чужлöм тайö письмöсö "парсалысьыс" – 1944-51 воясö служитысь. Мед менам кывбурöй тшöтш лоас миян вöсна олöмнысö пуктысьясöс казьтывлöмö ичöтик пайöн:

Отсöг
Пеж вöрöг водзвыв ошкис асьсö,
Мый сiйö бырöдас Роч му.
Роч мулы ме пö гу нин дасьтi,
А артмис – аслыс дасьтöм гу.
Сэк Рöдиналы отсöг сетны
Тшöтш петiс Эжва йывса йöз.
Мед вермысьöн пöсь тышысь петны,
Мед енэж вöлiс сöстöм, лöз.
Кöть öнi сöвмис менам сиктöй,
Кöть шуда гöлöсъясöн тыр.
Быд олысьлы на шогыс ликтö,
И, чайта, некор дзик оз быр.
Ме частö öтнам сэтчö вола,
Кöн обелискын налöн ов.
С1 дас кык мортлы паметь олö,
И водзö содтöдыс оз ков.

И со сиктö сюртчис выль "рыночнöй" олöм. Мый артмас таысь? 1968 воын лöсьöдлöм совхозъяс киссисны. Ошйысьны нинöмöн. Видзяс рассялiсны, муяс эжмöны, трактор-машинаыд жугласис, паськалiс юöм-кодалöм, уджтöмалöм, гусясьöм.
Тадзи воим Бадьёльйывлöн 220 вося чужан лунö.
А öти прамöй морт меным шулiс: "Сиктса олысьыд кö бырö, карсаыд оз нин ловзьöд Коми мутö".
Став бурсö сиöмöн
Евгений Уляшев."

"КОМИ МУ" 2002 вося апрель 23 лун.

0

2

abukomi написал(а):

Иван пиян тыла, Мöдар мыльк, Ляпкыд мыльк, Вöль лыа, Вой бок, Тит ыб, Аксян Море, Улыс ыб, Мöдлапöв керöс, Весьт ыб, Ты сёян ыб, Поса шор эжа, Öртьöм ыб,

Колö-кö Вöрк сёян (Мус сёян) ыб ? - Яйсö гортас сейöны, а гырк пытшкöссö сейны ыб вылö котöртöны (мед гачсö оз ков вежлавны - кынöмыс кö висьмас - ?).
  Некутшöм Ты (Вöрк, Мус,...), некутшöм "Кокчерлы-вильöдан-ыб" сэнi абу ! - ЛибО газетас лека гижиснШ, либО Админ. сорсис. (Тi, АБУ_Коми, кытiсь эськö асьныд лоанныд ? )
  Весиг роч картаяс вылын гижöнi - ТЫ-СЁН ыб.
  "Ты" - гуяс, кöнi кöтöдлiсны пыш - мед бöрын вöлi мыйысь кынi дöра, гартнi нырагез...
  "Сён, сёнвизь" - васöдiн, ва визь, лайков - ыбъяс костын, мед му вылысь ваыс рудзалiс. Сiдз, шуам, Льöм-пуа-сён - сiйö Симан-бертöм да Öртьöм-пас (абу Öртьoм ыб !) костiн; Сёна-тыла;...
  Оти буква и - ставыс вежсьö...

+1

3

Vladimir написал(а):

(Тi, АБУ_Коми, кытiсь эськö асьныд лоанныд ? )

Бадьёльйылысь.

Vladimir написал(а):

Некутшöм Ты (Вöрк, Мус,...), некутшöм "Кокчерлы-вильöдан-ыб" сэнi абу ! - ЛибО газетас лека гижиснШ, либО Админ. сорсис. (Тi, АБУ_Коми, кытiсь эськö асьныд лоанныд ? )
  Весиг роч картаяс вылын гижöнi - ТЫ-СЁН ыб.

Сканерыс (кыдзи коминас?) коми кывсö оз гöгöрво. Содтö шыпассö эг казяв.

Позьö выльяссö содтавны "Парма Горысь", "Коми Муысь" ... Бадьёльйыв гöгöрсö (картасö) татчö сюйны.

0

4

abukomi написал(а):

Сканерыс (кыдзи коминас?)

- Менам компютер вуджöдiс роч вылö: "scan - просмотр". Сiдзкö - "видзöдлантор". - Но тадзи - абу ена гöгöрвоана.
Сканер - дженьыд и аслыспöлöс кыв. И вуджöдны коми кыв вылö - "видзöдлантор", "компютерö картинкаяс сюянтор" либö - "эсiйö тай эстчö сюян да мыйкöас тай мыйкöыс петö" - коланаторйыс танi этша.
Роч кыв вылö (да и мукöд кыв вылö) "сканер" - оз вуджöднi!

0

Создать форум

Вы здесь » Бадьёльйывсаяс - Бадьёльские » Бадьёльйывса войтыр. Жители Бадьёльска. » И Бадьёльйылö воас чужан лун.


Создать форум