Бадьёльйывсаяс - Бадьёльские

Информация о пользователе

Привет, Гость! Войдите или зарегистрируйтесь.


Вы здесь » Бадьёльйывсаяс - Бадьёльские » Кулöмдiн. Усть-Кулом. » «Коми войтыр» Кулöмдiнса представительство век отсалас ...


Создать форум

«Коми войтыр» Кулöмдiнса представительство век отсалас ...

Сообщений 1 страница 2 из 2

1

Представительство век отсалас
Парма гор (Голос пармы) 01.04.2008

http://www.komipress.ru/smi/issue.php?id=197756

Март 26-öд лунö вöлi «Коми войтыр» Кулöмдiнса представительстволöн чукöртчылöм. Видлалiсны, кыдзи котыртöма районса конференция вылын примитöм резолюция олöмö пöртöм.

Районса юралысь С.П.Каплин висьталiс, мый тайö уджыс мунö сылöн кырымалöм постановление серти. Талун медся ыджыд тöдчанлун сетöма да ёна уджалöны туйяс да посъяс дзоньталöм вылын. Торъя видзöдлас улын Помöсдiн-Дiасёръя, Помöсдiн - Бадьёльйыв, Кулöмдiн-Дереваннöй туй костъяс. Эм сёрнитчöм вöр заптысьяскöд, кодъяс отсаласны дзоньтавны Керчомъя-Зимстан, Мыс-Тимшер туйяс.

Кутас бурмыны телефона йитöд. Ыджыд позянлунъяс воссьöны сотöвöй операторъяслöн паськöдчöмкöд йитöдын. Гожöмнас нин сотöвöй телефонöн позяс сёрнитны пожöгсалы, немдiнсалы, во помлань - Помöсдiн вожсалы.

Во помöдз лоö заправитчанiн Югыдъягын. Йöзлöн корöм серти котыртöма район пасьта маршрутнöй автобусъясöн ветлöм.

Торъя видзöдлас улын социальнöй юкöн, кöнi вöчанторйыс медся уна. Таво дзоньталасны Пожöгса больнича да ваясны сэтчö выль оборудование. Кулöмдiнын босьтчасны кыпöдны выль аптека. Чайтöны, мый во помын сiйö кутас уджавны. Велöдан управление могмöдас коми кыв велöдан книгаясöн да методическöй пособиеясöн. Та вылö мунас 120 сюрс шайт. Бöръя кадö книгаяссö лэдзöны уна, найö эмöсь, сöмын колö ньöбны да вайны. Тшöтш и мойдъясöн, ворсöмъясöн, коми кыв вылын кино-фильмъясöн компьютернöй дискъяс.

Культура юкöн лöсьöдас национальнöй культура сöвмöдан прог-рамма. Представительствокöд öтув нуöдас медбур коми нылöс да зонмöс нимöдан «Райда» да «Туган» конкурсъяс. 2009 во - коми кывлы сиöм во. Такöд йитöдын лоас торъя план, кытчö пырасны унапöлöс праздникъяс, конкурсъяс, выставкаяс нуöдöм да выль небöгъяс, фотоальбомъяс да мукöдтор лэдзöм.

Апрельын юрсиктын районса библиотека бердын воссяс том йöзлöн юöръяс шöрин.

Oти кывйöн кö, районса администрация талун уджалö резолюция олöмö пöртöм вылын, кутам лача, мый урчитöмаыс артмас.

Представительстволöн чукöртчылiгöн вынсьöдöма некымын конкурслысь нуöданног. На пиын «Райда» (том нывъяс костын) да «Туган» (том зонъяс костын) конкурсъяс. Апрельын республикаын мунас «Менам радейтана гижысь» конкурс. Меставывса администрацияясö, школаясö мöдöдасны сы йылысь гижöд. Кутам лача, мый миян районса том йöз да челядь петкöдласны ассьыныс сямлун.

Представительствоö шыöдчисны йöз, кодъяс корисны тöдмавны, кыдзи да кодлы сетсьö пескысь субсидия. Такöд йитöдын волiс социальнöй управлениеысь йöзлы субсидияяс сетан юкöнöн веськöдлысь В.Д.Шебырев. Сiйö тöдмöдiс, кутшöм документъяс колö лöсьöдны, медым босьтны семьялы пес ньöбöм, коммунальнöй услугаясысь вештысьöм могысь субсидия. Ставыс колö 11 документ.

Эмöсь кö юалöмъяс, звöнитöй 94-4-85 телефонö. Представительство век сетас вермана отсöг.

Надежда РУСИНОВА, «Коми войтырлoн» Кулoмдiнса представительствоoн веськoдлысь.

0

2

«Проведена определенная работа» комиблог.рф/?p=3220

«Моя твоя — не понимай…» комиблог.рф/?p=3259

Первый день работы Х Съезда коми народа завершился голосованием за будущего председателя межрегионального общественного движения «Коми войтыр» на ближайшие четыре года. Ряды кандидатов поредели, на роль лидера движения претендуют лишь два соискателя.
http://www.bnkomi.ru/data/news/11962#cCommentTag

Делегаты 10-го, юбилейного, Съезда коми народа озвучили перед главой Коми Вячеславом Гайзером проблемы сельского населения в районах. Глава дал понять, что едва ли не лучше их знает об этих сложностях, и уже придумал, как выходить из ситуации. Первый день съезда прошел сегодня в Сыктывкаре.

http://www.bnkomi.ru/data/news/11961#cCommentTag

0

Создать форум

Вы здесь » Бадьёльйывсаяс - Бадьёльские » Кулöмдiн. Усть-Кулом. » «Коми войтыр» Кулöмдiнса представительство век отсалас ...


Создать форум